Вікторыя Бальцар, перформанс XXL у Цэнтры гарадскога жыцця
Выставу «Танцтэатр у тэатры» ў Цэнтры гарадскога жыцця адкрылі 12 сакавіка перфомансам балетмайстра Гродзенскага драмтэатра Вікторыі Бальцар. Выстава прысвечана 25-годдзю танцтэатра «Галерэя». Напярэдадні юбілею калектыву Вікторыя даведалася, што з ёй не працягваюць кантракт. Правесці выставу ў памяшканні тэатра забаранілі.
Вернісаж распачаўся ў 21.40 з перформансу балетмайстра. «Афіцыйна наш працоўны дзень у драмтэатры сканчаецца ў 21.40. Таму кожны раз [калі акторы праводзілі імпрэзы у Цэнтры — Hrodna.life] мы пісалі тлумачальныя лісты, чаму адсутнічаем у наш працоўны вечаровы час. Сёння мы вырашылі сабрацца пасля гэтай гадзіны», — патлумачыла Вікторыя Бальцар выбар часу мерапрыемства.
Гледачам прадставілі спектакль пад назвай «XXL». «Мне здалося, што гэтая харэаграфія тут [у памяшканні Цэнтра — Hrodna.life] канцэптуальна цікавая. Людзі прыходзяць сюды і я знаходжуся сярод іх, а не ў вялікай зале. Я паказала, што ў ва мне адкрываецца. Я здымаю простую абалонку, а там, унутры ў кожнага з нас, шмат усялякага».
Чытай яшчэ: «Осталось сыграть два спектакля». Гродненский драмтеатр не продлил контракт с актрисой Оксаной Пликус
«Цэнтр гарадскога жыцця — адзіная незалежная пляцоўка ў горадзе. Калі адміністрацыя драматэатра забараніла праводзіць выставу, вырашылі зрабіць гэта тут. Нягледзячы на тое, што мы жывем у стане пастаяннай забароны, трэба шукаць пазітыўныя моманты. Яны ёсць у мастацтве. Танец — гэта выдатна. Забараніць мастацтва — гэта абсурд», — распавяла Hrodna.life куратарка выставы Ірына Варкулевіч.
«Дуэт Аляксандра Цебянькова і Вікторыі Бальцар першым у Гродне пачаў танцаваць кантэмпарары. Яны паказалі, што танец — гэта не тое, што ты бачыш, а тое, што адчуваеш. У танцы Вікторыі я пабачыла рэтраспектыву ўсяго, што было, а таксама і саму Вікторыю, якой яе ведаю», — расказала Hrodna.life глядачка Іна Максімчык.
31 сакавіка ў Вікторыі Бальцар сканчаецца працоўны кантракт з драматэатрам. Балемайстру паведамілі, што падаўжаць кантракт адміністрацыя не будзе. Патлумачыць рашэнне кіраўніцтва адмовілася.
Пабачыць выставу можна ў Цэнтры гарадскога жыцця да 18 сакавіка.
Чытай яшчэ:
В Гродно на улице Дальняй, 17, продается дом с необычным интерьером, который местами напоминает театральные…
Здание бывшей комендатуры (дворец Четвертинских) в парке Жилибера приобрело окончательные черты после обновления. Правда, новый…
Гродненцы жалуются, что прокатиться на велосипеде или роликах по велодорожке в Пышках проблематично. Причина в…
Гродненка Виктория пожаловалась в Threads, что записаться на прием к местным ортодонтам почти невозможно. Об…
Силовики пришли к матери журналиста и блогера Валерия Руселика вечером 9 апреля. Они были в…
Валентин Байко, заместитель директора по развитию «Конте Спа», и его брат, Дмитрий Байко, заместитель директора…